Ապահով Համացանց 2012
Լավագույն բաց դասի և տեսահոլովակի մրցույթ
արությունը և հայտի ձևը, ինչպես նաև Բաց դասի պլանը տեղադրված են այստեղ..
«Մեդիակրթության կենտրոն» և «Ինտերնետ hանրություն» հասարակական կազմակերպությունները «Ապահով Համացանց 2012» ծրագրի շրջանակներում հայտարարում են լավագույն բաց դասի և տեսահոլովակի մրցույթ:
«Ապահով Համացանց 2012» ծրագրին աջակցում է «Orange Արմենիա» ընկերությունը:
Մրցույթի տեղեկատվական աջակցությունն ապահովում է Կրթական տեխնոլոգիաների ազգային կենտրոնը` Հայկական կրթական միջավայր պորտալում:
Ծրագրի նպատակն է խթանել Հայաստանում համացանցի արդյունավետ օգտագործմանը և ստեղծել հիմքեր կրթական էլեկտրոնային բովանդակության զարգացման համար:
Մրցույթի անվանակարգերը.
- «Ապահով համացանց» լավագույն բաց դաս (տեսագրություն, միանգամից 45 րոպե, կամ 3X15 րոպե) – դասավանդողների մրցույթ
- «Ապահով համացանց» լավագույն տեսահոլովակ (1-3 րոպե) - աշակերտական մրցույթ
Յուրաքանչյուր անվանակարգում 5 անձից բաղկացած հանձնաժողովի կողմից ընտրված 3 հաղթողները կստանան մրցանակներ:
Մրցույթին մասնակցելու հայտերի ընդունման գործընթացը.
Մրցույթին մասնակցությունը և անվանակարգերին առաջադրումը բաց է բոլոր դպրոցների համար:
Մրցույթի անվանակարգերում առաջադրվելու համար պետք է.
- լրացնել կից տրված դիմում – հայտը,
- այն ուղարկել safearmenia@gmail.com հասցեով,
- տեսանյութը տեղադրել տեսանյութերի տարածման ՅուԹուբ (YouTube) համակարգում և ուղարկել հղումը safearmenia@gmail.com հասցեով, կամ ստանալ նշանաբան և տեսանյութը տեղադրել http://www.youtube.com/user/saferinternetarmenia (Ապահով hամացանց 2012) հասցեում:
Դիմում - հայտերի ընդունման վերջնաժամկետը ս.թ. մարտի 13-ի ժամը 18:00-ն է:
Ձեզ նախօրոք տրամադրված բաց դասի պլանում (կցվում է) կարող եք կատարել փոփոխություններ, սակայն խնդրում ենք պահպանել համացանցի հնարավորությունների բացահայտման և վտանգների ներկայացման համամասնությունը: Այսինքն 18 րոպե հատկացրեք հնարավորությունների և 5 րոպե վտանգների ներկայացմանը:
Դիմում-հայտ
Ապահով Համացանց 2012
- Մասնակցի անուն, ազգանուն _____________________________________
Հասցե:_________________
Հեռ: _________________
Էլ.հասցե ___________
- Դպրոցի անվանումը _____________________________________
Հասցե:_________________
Հեռ: _________________
Էլ.հասցե ___________
- Դպրոցի տնօրեն _____________________________________
- Հետևյալ անվանակարգերից որում եք առաջադրում տեսանյութը:
Լավագույն բաց դաս – դասավանդողների մրցույթ
Լավագույն տեսահոլովակ - աշակերտական մրցույթ
Շնորհակալություն հայտը լրացնելու համար և հաջողություն: