ԿԱՆԳՆԵ՛Ք, ՄՏԱԾԵ՛Ք, ՄԻԱՑԵ՛Ք. անվտանգ համացանցի ուղերձները հայերեն լեզվով
ԿԱՆԳՆԵ՛Ք, ՄՏԱԾԵ՛Ք, ՄԻԱՑԵ՛Ք™, STOP. THINK. CONNECT.™ տեղեկատվական արշավի նպատակն է ընդլայնել կիբեռվտանգների մասին հանրային իրազեկվածությունը և ուղղորդել հասարակությունը դեպի առավել ապահով և անվտանգ Համացանցի օգտագործում: Տեղեկատվական արշավի գլխավոր նպատակն է օգնել հասկանալ օրեցօր տարածվող կիբեռվտանգները և զինել ձեզ, ձեր ընտանիքը և համայնքը համապատասխան պաշտպանական միջոցներով: Տեղեկատվական թերթիկներին և խորհուրդներին կարող եք ծանոթանալ այստեղ:
Մեդիագրագիտության դաս Երևանի Ջոն Կիրակոսյանի անվան թ 20 դպրոցում
Հոկտեմբերի 17, 2016 Հոկտեմբերի 17-ին, 2016 թ. Երևանի Ջոն Կիրակոսյանի անվան դպրոցում անցկացվեց մեդիագրագիտության դաս, որը վարեց ԱՄՆ Հարավային Կոնեկտիկուտի պետական համալսարանի պրոֆեսոր, մեդիային և մեդիա միջավայրերի փորձագետ Ռոզմարի Քոնֆորտին: Ռ. Քոնֆորտին 20 տարվա փորձառություն ունի մեդիաքննադատության, մեդիագրագիտության և մեդիահետազոտության ոլորտում: Տն. Քոֆորտիի կողմից վերջերս հեղինակած ռեսուրսները լուսաբանում են երիտասարդ աղջիկներին և կանանց վերաբերող խնդիրները, մեդիայի դերը կանանց ֆեմինիզացման հարցում և այլ խնդիրներ: Լուսանկարները տես այստեղ:
Մեդիակրթության կենտրոնը մասնակցեց EuroDIG 2016 համաժողովին Բրյուսելում
Հունիսի 08, 09, 10 2016 Հունիսի 08-ից 10-ը, 2016 թ. Մեդիակրթության կենտրոնը մասնակցեց Բրյուսելում կայացած Համացանցի կառավարման համաեվրոպական երկխոսություն EuroDIG համաժողովին: Ապահով Համացանց Խորհրդի անդամ և ծրագրի համակարգող, Մեդիակրթության կենտրոնի փոխտնօրեն Նարինե Խաչատրյանը, ARISC Հարավային Կովկասի ամերիկյան հետազոտական ինստիտուտի հայաստանյան գրասենյակի տնօրեն Սյուզան Մարուխյանը մասնակցեցին համաժողովի հետևյալ սեմինարների և պլենար նիստերի կազմակերպչական աշխատանքներին՝
- «Հզորացում կրթության միջոցով»,
- «Եվրոպական Ինտերնետ կառավարման նախաձեռնությունների կառուցվածքային և բովանդակային վերծանում»,
- «Արդյոք ժամանակակից է ձեր ինտերնետ կառավարման էկոհամակարգը»,
- «Ինտերնետի մասնատումը և թվային ինքնավարությունը. հետևանքներ Եվրոպայի համար»:
«Հզորացում կրթության միջոցով» սեմինարին Նարինե Խաչատրյանը ներկայացրեց Համացանցի ապահով օգտագործման և մեծահասակների կրթությանը վերաբերող հիմնական խնդիրները և մարտահրավերները: Համաժողովին քննարկվեցին Ինտերնետի հասանելիության և կրթության, կիբեռանվտանգության և մարդու իրավունքների, ինտերնետի բազմաշահառու կառավարման և այդ գործընթացում բովանդակալից մասնակցության, թվային հասարակության և հասարակության կայուն զարգացմանը նվիրված հարցեր: Լուսանկարները տես այստեղ
Ամփոփվեցին լավագույն բաց դասի մրցույթի արդյունքները
Մայիսի 07, 2016 Ապահով Համացանց Հասարակական Խորհուրդը ամփոփեց լավագույն բաց դասի դասավանդողների մրցույթի արդյունքները:
«Ապահով Համացանց 2016» ծրագրի շրջանակներում հաղթող են ճանաչվել`
Անուշ Ավետիսյանը - Կոտայքի մարզի Հրազդանի թիվ 10 ավագ դպրոց,
Գայանե Կոստանդյանը
- Կոտայքի մարզի Ֆանտանի միջնակարգ դպրոց,
Ալինա Հակոբյանը - Արարատի մարզի Գոռավանի միջնակարգ դպրոց,
Միլենա Օսիպյանը - Սյունիքի մարզի Եղեգի միջնակարգ դպրոց,
Գայանե Մկոյանը - Երևանի թիվ 181 հիմնական դպրոց,
Մարինե Խաչատրյանը - Երևանի թիվ 107 հիմնական դպրոց,
Մարիետա Դավթյանը - Երևանի Միսաք Մեծարենցի անվան թիվ 146 հիմնական դպրոց,
Արմինե Բենիամինյանը - Երևանի Լևոն Միրիջանյանի անվան թիվ 155 հիմնական դպրոց, Նարինե Մեսրոպյանը, Աշտարակի N 2 դպրոց,
Հերմինե Կոբալյանը - Ջրվեժի միջնակարգ դպրոց, Երևանի թիվ 100 հիմնական դպրոցը և Երևանի Ջոն Կիրակոսյանի անվան թ 20 հիմնական դպրոցը:
Ապահով Համացանց ծրագիրը ներկայացվեց SEEDIG 2016 համաժողովում Բելգրադում
Ապրիլի 22, 2016 Ապրիլի 22, 2016 թ. Բելգրադում Ապահով համացանց ծրագիրը ներկայավեց Ինտերնետ կառավարման Հարավ-արևելյան Եվրոպայի երկխոսություն SEEDIG համաժողովին: Ապահով Համացանց Խորհրդի անդամ, Երևանի Ջոն Կիրակոսյանի անվան թ 20 հիմնական դպրոցի տնօրեն Անահիտ Խոսրովյանը մասնակցեց համաժողովի չորս սեմինարների աշխատանքներին՝ «Ով է կառավարում Համացանցը Հարավ-արևելյան Եվրոպայում», «Թվային ջրբաժանի լուծումը՝ թվային գրագիտության միջոցով», «Կիբեռանվտանգություն. գլոբալ խնդիրներ տարածաշրջանային համատեքստում», «Մարդու իրավունքների խճանկարի լուծում»: Համաժողովին քննարկվեցին Ինտերնետի հասանելիության և կրթության, կիբեռանվտանգության և մարդու իրավունքների, ինտերնետի բազմաշահառու կառավարման և այդ գործընթացում բովանդակալից մասնակցության, թվային հասարակության և հասարակության կայուն զարգացմանը նվիրված հարցեր: Ապահով համացանց 2016-ի շնորհանդեսը կարող եք տեսնել այստեղ:
Ապահով Համացանց մրցույթին ներկայացված վիքի հոդվածները և տեսադասերը
Ապահով համացանց 2016 ծրագրի շրջանակներում ՛Լավագույն բնագիտական հոդված Վիքիպեդիայում՛ դասավանդողների և դպրոցական թիմերի մրցութին ներկայացվել են հետևյալ վիքի հոդվածները՝ տես ցանկը:
- Լավագույն տեսադաս մաթեմատիկայից, լավագույն տեսադաս ֆիզիկայից դասավանդողների մրցույթին ներկայացվել են հետևյալ տեսագրությունները՝ տես ցանկը:
Ապահով Համացանց Խորհրդի նիստը հաստատեց 2016 թ. գործողությունների ծրագրի փոփոխությունները
Մարտի 11, 2016 Ապահով Համացանց Հասարակական Խորհուրդը մարտի 11 –ին հաստատեց 2016 թ գործողությունների ծրագրի փոփոխութոյունները: Հաշվի առնելով ընթացիկ ուսումնական տարվա ծանրաբեռնվածությունը որոշվեց.
1. Դասավանդողների վերապատրաստումները անցկացնել մարտ, ապրիլ և մայիս ամիսներին;
2. Ապահով համացանց բաց դասի մրցույթի արդյունքները ամփոփել 2016թ ապրիլի 10-ին;
3. Մրցույթի վիքիհոդվածների անվանակարգը տարանջատել առարկայական անվանակարգերից և արդյունքներն ամփոփել 2016թ հունիսի 15-ին:
Այս տարի հատուկ ուշադրություն է հատկացվել կրթական բովանդակության զարգացման հարցերին: 2009 թ ի վեր խորհուրդը համակարգում է Ապահով Համացանց ծրագիրը: Ծրագրի առաքելությունն է՝ նպաստել համացանցի եւ այլ տեղեկատվական տեխնոլոգիաների ապահով եւ արդյունավետ օգտագործմանը: Ծրագրի նպատակն է՝ երեխաներին եւ ծնողներին, սովորողներին եւ դասավանդողներին տրամադրել անհրաժեշտ տեղեկություններ եւ ուսումնական նյութեր, որոնք կօգնեն նրանց ապահով եւ արդյունավետ օգտագործել նոր տեխնոլոգիաները ուսման մեջ եւ առօրյա կյանքում: Ավելին
Մեկնարկել են Ապահով Համացանց բաց դասերը Հայաստանի դպրոցներում
Երևանի թ 186 դպրոց | Երևանի թ 186 դպրոց: Անահիտ Կարապետյան | Լեոյի անվան թ 65 ա/դ, Ռուզան Նիկոյան |
---|
Կոտայքի մարզ, Ֆանտանի միջնակարգ դպրոց, Գայանե Կոստանդյան | Կոտայքի մարզ, Ֆանտանի միջնակարգ դպրոց, հոդված | Կոտայքի մարզ, Ֆանտանի միջնակարգ դպրոց |
---|
Գ.Էմինի անվան թ182 ավագ դպրոց, Արմինե Մարտիրոսյան | Երևանի Սաֆարյանի անվ 164 դպրոց: Անժելիկա Հակոբյան | Երևանի Սաֆարյանի անվ 164 դպրոց: Անժելիկա Հակոբյան |
---|
Արարատի մարզի Գոռավանի միջնակարգ դպրոց, Հակոբյան Ալինա | Արարատի Արտաշատ ք. Թումանյանի անվ թ 2 դպրոց, Հասմիկ Մովսիսյան |
---|
Վանաձորի թ 18 միջնակարգ դպրոց, Անուշ Ղևոնդյան | Վանաձորի թ 18 միջնակարգ դպրոց, Անուշ Ղևոնդյան | Երևանի Նալբանդյանի անվան թ 33 դպրոց, Մելինե Հակոբյան |
---|
Սյունիքի մարզի Եղեգի միջնակարգ դպրոց, Մ. Օսիպյան | Հրազդանի թ 10 ավագ դպրոց, Անուշ Ավետիսյան | Երևանի Բյուրատի անվ թ 125 դպրոց, Ռուբինա Դավթյան |
---|
Օհանյան կրթահամալիր, Սոնա Միսկարյան | Օհանյան կրթահամալիր, Սեդա Հարությունյան | Երևանի Օհանյան կրթահամալիր, Մարիա Լիսիցինա |
---|
Երևանի Աճեմյանի անվ պետական քոլեջ թ 2 | Արարատի մարզի Հովտաշատի հիմնական դպրոց, Քրիստինե Մարալյան | Արարատի մարզի Հովտաշատի միջնակարգ դպրոց, Քրիստինե Մարալյան |
---|
Քաջարանի թ 1 միջնակարգ դպրոց, Նազիկ Ինջյան | Երևանի թ 100 դպրոց | Երևանի թ 100 դպրոց. Ալվարդ Սարոյան |
---|
Հայրապետյանի անվ թ 78 հիմնական դպրոց | Լևոն Միրիջանյանի անվան թ 155 դպրոց, Արմինե Բենիամինյան | Լևոն Միրիջանյանի անվան թ 155 դպրոց |
---|
Անանիա Շիրակացու կրթահամալիր | Վաղարշապատի Հ.Հովհաննիսյանի անվ թ 3 դպրոց | Վաղարշապատի Հ.Հովհաննիսյանի անվ թ 3 դպրոց |
---|
Վ.Վարդևանյանի անվան թ 173 դպրոց |
Անանիա Շիրակացու կրթահամալիր | Վանաձորի Րաֆֆու անվ թ 19 դպրոց, Անի Թորոսյան |
Ջրվեժի միջնակարգ դպրոց, Հերմինե Կոբալյան | Ջրվեժի միջնակարգ դպրոց | Ջրվեժի միջնակարգ դպրոց |
---|
Երևանի թիվ 198 ավագ դպրոց, Լուսինե Բալայան | Երևանի Զարյանի անվ թ 130 դպրոց | Երևանի թիվ 198 ավագ դպրոց, Լուսինե Բալայան |
---|
ՀաջորդՀղումը՝ Դեպի ավելի լավ համացանցային միջավայր ամեն երեխայի համար
Փետրվարի 09, 2016 Հաջորդ Հղումը. «Դեպի ավելի լավ ու անվտանգ համացանցային միջավայր յուրաքանչյուր երեխայի համար» գործողությունների նոր օրակարգը մշակվել է eNACSO կազմակերպության կողմից: Երեխաների առցանց ապահովությանեվրոպական հասարակական կազմակերությունների դաշինքը (eNACSO)-ն ցանց է, որի նպատակն է առավել ապահով դարձնել Համացանցը և հարակից տեխնոլոգիաները երեխաների և երիտասարդների համար: eNACSO-ն խթանում և օժանդակում է ծրագրերին ազգային, եվրոպական և միջազգային մակարդակներում: Հաջորդ Քայլը ներկայացնում է eNACSO-ի առաջարկությունները բոլոր շահառուներին այն մասին, թե ինչպես ստեղծել ավելի լավ ու անվտանգ համացանցային միջավայր երեխաների և երիտասարդների համար: Հաջորդ Հղումը. «Դեպի ավելի լավ ու անվտանգ համացանցային միջավայր յուրաքանչյուր երեխայի համար» գործողությունների օրակարգը կարող եք գտնել այստեղ...
Այսօր Ապահով համացանցի միջազգային օրն է
Փետրվարի 09, 2016. Ավելի քան 100 երկրներում այսօր նշվում է Ապահով համացանցի օրը: Արդեն 8րդ տարին անընդմեջ այս օրվանից մեկնարկում է «Ապահով համացանց Հայաստան» եռամսյա ծրագիրը՝ նպատակ ունենալով համացանցն ավելի ապահով դարձնել երեխաների համար: Ծրագրին 2012 թ-ից աջակցում է «Օրանժ Արմենիա» ընկերությունը: Այս նախաձեռնության շրջանակներում յուրաքանչյուր տարի ավելի քան 5 000 աշակերտներ են մասնակցում բաց դասերի` ստանալով համացանցից ապահով օգտվելու վերաբերյալ գիտելիքներ և ուսումնական նյութեր: Բացի այդ անցկացվում են համացանցի անվտանգ և արդյունավետ օգտագործմանը նվիրված ծնողական ժողովներ, որոնց ընթացքում լուսաբանվում են նաև համացանցն ավելի ապահով դարձնելու տեխնիկական լուծումները: Ավելին...
Ապահով համացանց 2016 լավագույն բաց դասի և տեսադասերի մրցույթ
Փետրվարի 08, 2016. «Ինտերնետ hանրություն» և «Մեդիակրթության կենտրոն» հասարակական կազմակերպությունները «Ապահով Համացանց 2016» ծրագրի շրջանակներում հայտարարում են լավագույն բաց դասի և տեսադասերի մրցույթ: «Ապահով Համացանց 2016» ծրագրին աջակցում է «Orange Արմենիա» ընկերությունը: Մրցույթի տեղեկատվական աջակցությունն ապահովում է Կրթական տեխնոլոգիաների ազգային կենտրոնը` Հայկական կրթական միջավայր պորտալում: Ծրագրի նպատակն է խթանել Հայաստանում համացանցի արդյունավետ օգտագործմանը և ստեղծել հիմքեր կրթական էլեկտրոնային բովանդակության զարգացման համար: Մրցույթի պայմանների, անվանակարգերի և ժամկետների մասին ավելի մանրամասն կարդացեք այստեղ...
Ապահով համացանց ծրագիրը կմեկնարկի Փետրվարի 9-ին
Հունվարի 28, 2016. Այս տարի Ապահով Համացանցի միջազգային օրը նշվելու է Փետրվարի 9-ին: Այդ օրը կմեկնարկեն միջոցառումները Երևանում և շրջաններում: Ապահով Համացանց ծրագրի նպատակն է՝ երեխաներին ու ծնողներին, սովորողներին և դասավանդողներին տրամադրել անհրաժեշտ տեղեկություններ և ուսումնական նյութեր, որոնք կօգնեն նրանց ապահով և արդյունավետ օգտագործել նոր տեխնոլոգիաները ուսման մեջ և առօրյա կյանքում: Այս տարի կանցկացվեն Ապահով համացանց թեմայով բաց դասեր, ծնողական ժողովներ և դասավանդողների վերապատրաստումներ, կթողարկվի նոր կրթական պորտալը: Ապահով Համացանց 2016 լոգոն, Ապահով Համացանց 2016 բանները կարող եք ներբեռնել մեր կայքից: Ապահով համացանց 2016 լավագույն բաց դասի և տեսադասերի մրցույթի հրավերը
Հունվարի 28` Անհատական տվյալների պաշտպանության միջազգային օրը ՀՀ բանակի տոնին
Հունվարի 28-ը անհատական տվյալների պաշտպանության և մասնավոր կյանքի գաղտնիության միջազգային օրն է: Մասնավոր կյանքի անձեռնմխելիությունը կամ անհատական տվյալների գաղտնիությունը սեփական անձնական տեղեկությունների մատչելիության և օգտագործման վրա տարածվող վերահսկողությունն է: Համացանցից օգտվողները հաճախ կարծում են, որ իրենց անձնական տվյաները չեն օգտագործվի առանց թույլտվության և դրանց փոխանակումը գաղտնի է: Իրականությունը, սակայն, բոլորովին այլ է: Ամեն անգամ որևէ կայք մտնելիս կամ էլեկտրոնային նամակ ուղարկելիս դուք թողնում եք որոշակի տեղեկություններ ձեր մասին՝ օրինակ, ձեր կամ կամ ձեր համակարգչի հասցեները, հեռախոսի և վարկային քարտի համարները և այլն: Անձնական տվյալների գաղտնիության մասին կարող եք կարդալ մեր կայքում: